ສ ເກົາຫຼີ ໄດ້ສົ່ງລົດຕັງຫຼັກຮຸ້ນ k2 Black Panther
ເຂົ້າຮ່ວມໂຄງການຈັດຊື້ລົດຕັງຂອງກອງທັບ ໂອມັນ
ບໍລິສັດຮຸນໄດຂອງ ສ ເກົາຫຼີ ໄດ້ເປີດເຜີຍວ່າ: ມີທ່າທີຄວາມເປັນໄປໄດ້ໃນການຂາຍລົດຕັງຫຼັກທີ່ຜະລິດເອງພາຍໃນປະເທດຮຸ້ນ
k2 Black Panther ໃຫ້ແກ່ປະເທດ ໂອມັນ ໃນຈຳນວນທີ່ຕ້ອງ ການຂອງກອງທັບ ປະມານ 72 ຄັນ ເຊິ່ງລວມມູນຄ່າຂອງໂຄງການ
ຈັດຊື້ດັ່ງກ່າວຫຼາຍເຖິງ 884,6 ລ້ານໂດລາສະຫະລັດ.
ລົດຕັງຫຼັກ k2 Black Panther ທີ່ສົ່ງເຂົ້າໂຄງການຈັດຊື້ດັ່ງກ່າວນັ້ນ ເຊິ່ງເປັນລຸ້ນປັບປຸງເພື່ອໃຫ້ໃຊ້ງານໃນສະພາບພູມີປະເທດ
ເຂດຮ້ອນທີ່ມີທະເລຊາຍ ການດັດແປງປັບປຸງນັ້ນໄດ້ແກ່: ການປັບປຸງລະບົບລະບາຍຄວາມຮ້ອນ ແລະ ເຄື່ອງປັບອາກາດພາຍໃນລົດ ເພື່ອ
ສະດວກໃຫ້ແກ່ກຳລັງພົນຢູ່ພາຍໃນລົດ ລວມໄປເຖິງການພົ່ນສີ ແລະ ພາກສ່ວນອື່ນໆ. ປະເທດ ໂອມັນ ເປີດໂຄງການຈັດຊື້ລົດຕັງຫຼັກ
ໃໝ່ ຈຳນວນ 76 ຄັນ ເພື່ອຈະນຳເຂົ້າມາທົດແທນລົດຕັງຫຼັກ ຮຸ້ນເກົ່າທີ່ໃຊ້ໃນກອງທັບຂອງຕົນມາເປັນເວລາດົນນານແລ້ວ ເຊິ່ງປັດຈຸບັນ
ນີ້, ກອງທັບໂອມັນ ເປັນຜູ້ໃຊ້ງານພຽງປະເທດດຽວໃນໂລກທີ່ໃຊ້ງານລົດຕັງຮຸ້ນ Challenger 2 ນອກຈາກປະເທດ ອັງກິດ ນອກນັ້ນ
ເປັນລົດຕັງຫຼັກເກົ່າຮຸ້ນ M60A1 ແລະ M60A3 TTS ຂອງສະຫະລັດອາເມຣິກາ ທີ່ມີຄວາມຈຳເປັນຈັດຊື້ມາທົດແທນຖ້າຫາກກອງ
ທັບໂອມັນ ຈັດຊື້ລົດຕັງ k2 Black Panther ມາໃຊ້ງານຈະເຮັດໃຫ້ກອງທັບໂອມັນ ເປັນຜູ້ໃຊ້ງານລົດຕັງ k2 Black Panther
ພຽງປະເທດດຽວນອກຈາກ ສ ເກົາຫຼີ.
ແຫຼ່ງທີ່ມາ: ໜັງສືພິມກອງທັບ
ວັນທີ 26/03/2024